Коронавируспен ауырып шыққандарда антиденелер қанша уақыт сақталады

Ғалымдар коронавирус індетімен ауырып шыққандардың антиденелері ағзада қанша уақытқа дейін сақталатынын анықтады, деп хабарлайды Azattyq Rýhy COVID-19 таралуына жол бермеу жөніндегі ВАК мәліметіне сілтеме жасап.

АҚШ ғалымдары иммундық жүйенің төрт компонентін талдады: антиденелер, В жасушалары және Т жасушаларының екі түрі. Олар антиденелер инфекциядан кейін алты-сегіз айдан кейін де сақталатынын анықтады. Талдау нәтижесінде Т жасушалары аз ғана ыдырауды көрсетті, ал В жасушаларының саны көбейді.

«Ғалымдар пациенттердің қанында антиденелер табылмаған жағдайда, В жасушалары иммундық жадыны сақтайтынын хабарлады. Демек, организм бірнеше жыл бойы коронавирусты «тани» алады», делінген хабарламада.

Антиденелердің болуы коронавирустан толық қорғауға кепілдік бермейтінін ұмытпаған жөн. Сондай-ақ, антиденелер анықталған адамдар басқа азаматтар үшін қауіпті болып қала береді.