Еліміздің бірнеше облысында ауа райына байланысты ескерту жарияланды

«Қазгидромет» РМК ауа райының бұзылуына байланысты республикамыздың бірнеше өңірінде ескерту жариялады, деп хабарлайды Azattyq Rýhy.

Атап айтқанда, 20 қараша күні Ақмола облысының кей жерлерінде тұман түседі. Оңтүстік-батыстан жел соғады, таңертең және күндіз оның күші 15-20 м/с артады.

20-22 қарашада Жамбыл облысының кей жерлерінде тұман түсіп, жаяу бұрқасын болады. Солтүстік-шығыстан жел соғады, екпіні 15-20 м/с жетеді.

20-21 қарашада Қарағанды облысының кей жерлерінде тұман болады.

20 қарашада Түркістан облысының кей жерлерінде тұман түсіп, жаяу бұрқасын болу мүмкін. Шығыстан соғатын желдің күші 15-20 м/с күшейеді.

20-21 қарашада Солтүстік Қазақстан облысының кей жерлерінде түнде және таңертең тұман болады. 20 қарашада күндіз, 21 қарашада тәулік бойы оңтүстік-батыстан жел соғады. Кей жерлерде күші 15-20 м/с артады.