Нұр-Сұлтанда жеке сектордағы үйлер газға көшіріле бастады
Бұл туралы Алтай Көлгінов әлеуметтік желідегі парақшасында жазды
Нұр-Сұлтанда ЖЭО-1 және ЖЭО-2 жұмысы ішінара газға ауыстырылды. Бұл туралы қала әкімі Алтай Көлгінов желідегі парақшасында жазды, деп хабарлайды Azattyq Rýhy тілшісі.
«Бүгін газ қазандықтары ресми түрде іске қосылды. Ол үшін бірнеше ай бойы жабдықтарды ауыстыру, қорғау, желдету және газ шаруашылығы жүйелерін орнату бойынша жұмыстар жүргізілді. Қалған қазандықтарды газға ауыстыру жұмыстары жалғасады. ЖЭО қазандықтарының жұмысын газға ауыстыру қоршаған ортаға көмір шаңы, күкірт сияқты зиянды қалдықтарды айтарлықтай азайтады», - деп жазды қала әкімі.
Әкім 19 әлеуметтік нысанды автономды қазандықтардан газға көшіру бойынша (мектептер, балабақшалар, медициналық мекемелер) жұмыстар жүргізіліп жатқанын, сонымен бірге елдімекендердергі жеке сектордағы үйлер газға көшіріле бастағанын айтты.
