Қазақстанның 7 облысында ауа райына байланысты ескерту жарияланды
Бұл облыстарда жел күшейіп, тұман түседі
Қазақстанның 7 облысында ауа райына байланысты ескерту жарияланды, деп хабарлайды Azattyq Rýhyтілшісі Қазгидрометке сілтеме жасап.
12 қарашада Жамбыл облысының кей жерлерінде оңтүстік-батыс, батыстан жел соғады, күші 15-20, екпіні 23-28 м/с, облыстың оңтүстік-батысында 30 м/с және одан асады.
Қарағанды облысының кей жерлерінде жауын-шашын (қар, жаңбыр) түседі. 12-13 қарашада кей жерлерінде тұман, көктайғақ, бұрқасын күтіледі. Оңтүстік-батыстан жел соғады, кей жерлерінде күші 15-20, екпіні 23-28 м/с болады.
Шығыс Қазақстан облысының күндіз кей жерлерінде қатты жауын-шашын (жаңбыр, қар) күтіледі. Кей жерлерінде тұман, көктайғақ, жаяу бұрқасын күтіледі. Оңтүстік-шығыстан соғатын жел оңтүстік-батысқа ауысады, күші кей жерлерінде 15-20, екпіні 23-28 м/с.
Ақмола облысында кей жерлерде тұман, көктайғақ, бұрқасын күтіледі. Оңтүстік-батыстан, батыстан жел соғады, кей жерлерде жылдамдығы 15-20 м/с болмақ.
Қызылорда облысының кей жерлерінде көктайғақ күтіледі. Батыстан жел соғады, күші таңертең және күндіз кей жерлерде 15-20 м/с болады.
Ақтөбе облысында кей жерлерде тұман, көктайғақ, бұрқасын болады.
12 қараша Батыс Қазақстан облысының кей жерлерінде тұман, көктайғақ күтіледі. Жел батыстан, солтүстік-батыстан соғады, күші күндіз кей жерлерде 15-20 м/с-ға жетеді.
