Шымкентте лифт орнатып жатқан жұмысшы 11-қабаттан құлап көз жұмды

Шымкентте лифт орнатып жатқан жұмысшы 11-қабаттан құлап кетті. 26 жастағы тұрғын оқиға орнында көз жұмды, деп хабарлайды Azattyq Rýhy тілшісі «Астана» телеарнасына сілтеме жасап.

Шахтаға құлап кеткен жұмысшы дәрігерлер келмей тұрып қайтыс болып кеткен. Оқиғанның мән-жайын полиция мен еңбек инспекторлары анықтап жатыр. Мамандар жұмыс ережесі бұзылған болуы мүмкін деп болжап отыр.

«Оның жексенбі күні жұмысқа шыққанының өзі заңды болды ма? Мұны да анықтаймыз. Жағдайды жан-жақты қарастырамыз. Шешім шыққаннан кейін материалдарды полицияға береміз», - дейді Шымкент қаласы мемлекеттік еңбек инспекциясының басшысы Бауыржан Қалжанов.