Алматылық жастарға жалдамалы баспана қарашаның соңында беріледі

Azattyq Rýhy

Қараша айының соңына дейін Алматыда жұмыс істейтін жастарға 249 жалдамалы пәтер беріледі

Фото: ашық дереккөзден

Қараша айының соңына дейін Алматыда жұмыс істейтін жастарға 249 жалдамалы пәтер беріледі, деп хабарлайды Azattyq Rýhy тілшісі.

Алматы қаласының Тұрғын үй саясаты басқарма басшысының орынбасары Айбек Сайделдаевтің айтуынша, Алматыда жұмыс істейтін жастардан өтініштер мен құжаттарды қабылдау үшін қалалық әкімдік almaty-jastary.kz арнайы сайт әзірлеген. Онда 30 қазаннан 12 қарашаға дейін өтініштер қабылданды. Жалдамалы баспана бағдарламасы аясында Алатау ауданындағы «Көкқайнар» ықшамауданынан бір бөлмелі 249 пәтер беріледі. Сайт арқылы электрондық форматта 1244 өтініш қабылданды.

«Басқарма 10 күн ішінде ұпайларға сәйкес санақ жүргізеді. Жалдамалы пәтер берілетін жастардың тізімі бекітіледі. Бұл тізімге ұпайларды есептеу кезінде өтініш берушінің кәсібі, отбасылық жағдайы, жеке кәсіпкерлік қызметі, бюджеттік қызметтерде жұмыс істеуі, шоттарының жинақтары ескеріледі. Балдары тең жағдайда өтінішті бірінші тапсырған жастарға басымдық беріледі. Осыдан кейін сайтта үміткерлердің толық тізімі жарияланады. Алғашқы 249 пәтерді қарашаның соңында беруді жоспарлап отырмыз», - деді Айбек Сайделдаев

Сонымен қатар ол жұмыс істейтін жастарға жалдамалы баспана 5 жылға берілетінін еске салды. Осы кезеңнен кейін пәтер босатылуы керек.

«Ережеге сәйкес, жас адамның тұрақты жұмыс орны болуы керек. Себебі, біз жастарға өз тұрғын үйін сатып алу үшін бастапқы жарна жинауға мүмкіндік береміз»,- деді спикер.

Оның айтуынша, бір бөлмелі пәтерді жалға алушылар айына 5 мың теңгеден төлейді, коммуналдық қызметтерге бөлек төлейді.

«Жалпы, біз Алматыда жыл соңына дейін 1050 пәтердің кілтін табыстауды жоспаралап отырмыз», - деді ол.

‡àãðóçêà...
Өзге де қызықты мақалалар
Давос-2020: Трамп экобелсенділерге қарсы шықты, Тунберг балалардың болашағына алаңдайтынын айтты
Ресей үкіметінің жаңа құрамы бекітілді
Қанат Ислам мен Жәнібек Әлімханұлы әлемдік рейтингте үздік бестікке енді

Сұхбат
Абайдың 45 сұрағына белгілі режиссер, жазушы Ермек Тұрсынов жауап берді
«Абайдың 45 сұрағы» жобасының кезекті қонағы - филолог, абайтанушы Омар Жәлел
Ирактан Қазақстанға қайтарылған 14 баланы ортаға бейімдеу жұмыстарымен айналысып жатқан психолог мамандармен сұхбат