ШұғылАлматыда ағаштарды заңсыз кескендерге қатысты қылмыстық іс қозғалды

Еліміздің бірқатар өңірінде ауа райына байланысты ескерту жарияланды

Солтүстік және батыс облыстарда қар жауып, тұман түсуі мүмкін

Фото: ашық дереккөзден

22 қазан күні ауа райының бұзылуына байланысты бірнеше өңірде ескерту жарияланды. Бұл туралы «Қазгидромет» РМК баспасөз қызметі хабарлады.

Нұр-Сұлтан қаласында күндіз солтүстік-батыстан соғатын жел оңтүстік-батысқа ауысып, екпіні 15-20 м/с жетеді.

Сондай-ақ Түркістан облысының кей жерлерінде оңтүстік-батыстан соғатын желдің күші 15-20 м/с артады. Шымкент қаласында түнде және таңертең оңтүстік-батыстан жел соғып, екпіні 15-20 күшейеді.

Ақтөбе облысының солтүстігінде түнде аздаған жауын-шашын, көбінесе қар, тұман түсіп, көктайғақ болуы мүмкін.

Қызылорда облысында батыстан соғатын желдің күші кей жерлерде 15-20 м/с болады.

Павлодар облысында оңтүстік-батыстан жел соғады, күші 15-20 м/с артады.

Қарағанды облысының кей жерлерінде тұман, көктайғақ болуы мүмкін. Батыстан, оңтүстік-батыстан жел соғып, күндіз кей жерлерде күші 15-20 м/с артады.

Қостанай облысының кей жерлерінде тұман, көктайғақ болжанады. Солтүстік-батыстан жел соғады, күші түнде кей жерлерде, күндіз басым бөлігінде 15-20 м/с жетеді.

Шығыс Қазақстан облысының кей жерлерінде оңтүстіктен, оңтүстік-батыстан соғатын жел 15-20 м/с, екпіні 25 м/с артады.

Ақмола облысында түнде және таңертең кей жерлерде тұман, көктайғақ болады. Солтүстік-батыстан соққан жел оңтүстік-батысқа ауысып, жылдамдығы 15-20 м/с жетуі ықтимал.

Солтүстік Қазақстан облысының күндіз басым бөлігінде жауын-шашын (жаңбыр, қар) болуы мүмкін. Кей жерлерде тұман, көктайғақ болады. Батыстан жел соғып, күші 15-20 артады.