11 қазан күнгі ауа райы болжамы

Жексенбі күні Қазақстанның басым бөлігінде ауа райы жауын-шашынсыз болады

11 қазан күнгі ауа райы болжамы
Фото: ашық дереккөзден

11 қазан күні Қазақстанның басым бөлігінде күн жауын-шашынсыз болады. Тек республиканың солтүстігінде, орталығында және оңтүстік-шығысында жаңбыр және қар жаууы ықтимал. Республиканың кей жерінде тұман түсіп, жел күшейеді. Елдің шығысында көктайғақ болып, оңтүстік-батысында шаңды дауыл көтеріледі, деп хабарлайды Azattyq Rýhy тілшісі Қазгидрометке сілтеме жасап.

Шығыс Қазақстан облысының кей жерінде көктайғақ болып, тұман түседі, күндіз жел 15-20 м/с жылдамдықпен еседі. 

Ақмола, Түркістан, Жамбыл, Маңғыстау облыстарының кей жерінде жел 15-20 м/с жылдамдықпен соғады. Маңғыстау облысында шаңды дауыл тұрып, Жамбыл облысында тұман түседі. 

Павлодар облысында, түнде және таңертең Алматы, Солтүстік-Казақстан, Қарағанды облыстарының кей жерінде тұман түседі. Алматы, Жамбыл, Түркістан, Қызылорда облыстарының кей жерінде түнде 1-3 градус үсік жүреді.

×
Бұл желілік ресурстың ақпараттық өнімдері 18 жастан асқан адамдарға арналған.