Қазақстанның оңтүстік өңірлерінде үсік жүреді

Қазгидромет 8 қазанға арналған ауа райы болжамын жариялады

Қазақстанның оңтүстік өңірлерінде үсік жүреді
Фото: ашық дереккөзден

Қазақстан аумағының басым бөлігі циклонның ықпалында болады, осыған байланысты жауын-шашын (жаңбыр, қар) жауады. Қалған аймақтарда антициклонның әсерінен жауын-шашынсыз ауа райы болжанады. Республиканың кей жерлерінде тұман, желдің күшеюі, көктайғақ күтіледі. Шығыс Қазақстан, күндіз Түркістан, Қызылорда облыстарының кей жерлерінде 15-20 м/с дейін желдің күшеюі күтіледі.

«Қостанай облысының кей жерлерінде тұман күтіледі, күндіз жел 18 м/с күшейеді. Қарағанды, облысының кей жерлерінде тұман, көктайғақ болып, жел 15-20 м/с дейін күшейеді. Ақмола, Павлодар облыстарының кей жерлерінде тұман, көктайғақ күтіледі. Жамбыл, Алматы, Солтүстік Қазақстан облыстарының кей жерлерінде тұман түседі», - делінген хабарламада.

Алматы, Жамбыл, Түркістан облыстарының кей жерлерінде түнде 1-5 градус үсік жүруі мүмкін. Түркістан, Қызылорда облыстарының басым бөлігінде, Жамбыл, Ақтөбе, Қарағанды облыстарының кей жерлерінде төтенше өрт қаупі сақталады.
 

×
Бұл желілік ресурстың ақпараттық өнімдері 18 жастан асқан адамдарға арналған.