1 ай бұрын жоғалып кеткен оқушы Шымкенттегі көшелердің бірінен табылды

Полицейлер осыдан 1 ай бұрын Мақтарал ауданында (Түркістан облысы) жоғалып кеткен 16 жастағы оқушы қызды тапты деп жазады Otyrar.kz.

Полицияға арыз жазған қыздың анасы оның 11 қазан күні таңертең Шымкентке қарай кеткенін айтқан. Мұнан кейін бойжеткен із-түссіз жоғалып кетіпті.

Оқушыны іздеуге полиция жеке құрамы түгел жұмылдырылған. Тәртіп сақшылары оның баруы мүмкін мекен-жайдың бәрін түгел аралап, таныстарымен, кездейсоқ куәгерлермен сөйлескен. Іздеу жұмыстары барысында Мақтарал аудандық полиция бөлімінің лейтенанты Сансызбай Демеу бойжеткенді Шымкент көшелерінің бірінен тауып алды.

Қазір полицейлер болған жайттың себеп-салдарын анықтап жатыр.