Алматы метросына жаңа директор тағайындалды

Бұл қызметке Айдын Оразханов келді

Фото: ашық дереккөзден

Айдын Оразханов Алматы қаласы «Метрополитен» КМК-нің директоры болып тағайындалды, деп хабарлайды Azattyq Rýhy аталған кәсіпорынның баспасөз қызметіне сілтеме жасап.

Алматы қалалық Мобилділік басқармасы басшысының тиісті бұйрығы 2020 жылдың 2 қазанында шыққан.

Айдын Оразханов «Пайдалы кен орындарын барлау техникасы мен технологиясы» мамандығы бойынша Қ.Сәтбаев атындағы Қазақ ұлттық техникалық университетін, сондай-ақ, М. Тынышпаев атындағы Қазақ көлік және коммуникация академиясы, «Тасымалдауды, қозғалысты ұйымдастыру және көлікті пайдалану» мамандығы бойынша магистратураны бітірген.

Метрополитен қызметкерлеріне жаңа басшыны қалалық Мобильділік басқармасының басшысы Ерлан Әділов таныстырды.