Нұр-Сұлтанда екі адам ерекше суретке түсу үшін көпір үстіне шығып кетті

Олар 14 мың теңгеге жуық айыппұл төлеуге міндеттелді

Нұр-Сұлтанда екі адам ерекше суретке түсу үшін көпір үстіне шығып кетті
Фото: ашық дереккөзден

Елордада ішімдік ішкен екі ер адам суретке түсу үшін көпірге шығып кетті, деп хабарлайды Azattyq Rýhy тілшісі астаналық полиция департаментіне сілтеме жасап.

«Түнде сағат 00:28-де «102» пультіне хабар түсті. «Рамстор» жақта мас екі ер адам Қабанбай батыр даңғылындағы көпірдің аркасына шыққан. Астаналық патрульдік полиция жасағының қызметкерлері оқиға орнына барды. Хабар расталды», - делінген хабарламада.

Тәртіп сақшылары 33 және 34 жастағы ер адамдарды ұстады. Олар түнгі қала көрінісін суретке түсіру үшін көпірге шыққанын жеткізді. Олар 5 АЕК (13 890 теңге) айыппұл төлеуге міндеттелді.

×
Бұл желілік ресурстың ақпараттық өнімдері 18 жастан асқан адамдарға арналған.