12.09.2019, 12:13
Жаңалықтар
Павлодар облысында бұқа иесін сүзіп өлтірді
Ақжол ауылы тұрғынының денесі даладан табылды
Фото: vistapointe.net
Өз бұқасы сүзіп өлтірген Павлодар облысы тұрғынының денесі даладан табылды, - деп хабарлайды Azattyq Rýhy тілшісі.
Павлодар облыстық Полиция департаментінің баспасөз қызметі хабарлағандай, 11 қыркүйек күні таңертең Ақсу ауданы Ақжол ауылының тұрғыны сарайда бордақыланып тұрған бұқаның босап шығып, ауыл сыртындағы табынға қарай бет алғанын көреді.
«Мал иесі бұқаны қайтармақ болып, артынан кетеді. Әкесінің ұзақ уақыт бойы оралмағанына алаңдаған ұлы оны іздеуге шығып, 62 жастағы ер адамның денесін ауыл маңынан табады. Дене жарақаттарының сипаты бұқаның өз иесін сүзіп өлтіргенін көрсетті», - дейді полицейлер.
Қазіргі уақытта барлық қажетті сараптамалар тағайындалған.
Көп оқылған
13.11.2026, 14:56
Қазақстандық тур компаниялар Меккедегі қазақ қызын алдап, миллиондаған қарызға батырған
13.11.2026, 09:55
Ант қабылдап тұрған сарбаз есінен танып қалды ма: желіде тараған видеоның мән-жайы белгілі болды
13.11.2026, 09:23
«АҚШ азаматымын»: Алматы метросында қыз бен жігіттің дауына полиция араласты (ВИДЕО)
