Оралда үш адам газдан уланып, ауруханаға жеткізілді

Оралда үш адам табиғи газдан уланып, ауруханаға жеткізілді, деп хабарлайды Azattyq Rýhy тілшісі БҚО ТЖ департаментінің баспасөз қызметіне сілтеме жасап.

«Оқиға 27 қыркүйек күні болған. Тұрғын үйде табиғи газдағы жылыту қазандығы істен шыққан. 54 жастағы ер адам мен оның 50 жастағы әйелі жеңіл, 14 жасар қызы орташа дәрежеде газдан уланып, ауруханаға жеткізілді», - деп жазылған ақпаратта.

Медициналық көмек көрсетілгеннен кейін үшеуі де тұрғылықты жерлері бойынша амбулаторлық емдеуге жіберілді.