Риддер қаласының әкімі болып Дмитрий Горьковой тағайындалды

Ол осыған дейін Шемонаиха ауданы әкімінің орынбасары болған

Риддер қаласының әкімі болып Дмитрий Горьковой тағайындалды
Фото: gov.kz

Шығыс Қазақстан облысының әкімі Даниал Ахметовтің өкімімен Риддер қаласының әкімі болып Дмитрий Горьковой тағайындалды.

Дмитрий Горьковой бұған дейін Шемонаиха ауданы әкімінің орынбасары болған. Шаһардың жаңа басшысын қала активіне ШҚО әкімі Даниал Ахметов таныстырды.

Дмитрий Анатольевич 1983 жылы 6 қазанда Шемонаиха қаласында дүниеге келген.

С.Аманжолов атындағы Шығыс Қазақстан мемлекеттік университетін (құқықтану) және Д.Серікбаев атындағы Шығыс Қазақстан мемлекеттік техникалық университетін (қаржы және несие) тәмамдаған.

Еңбек жолын 2007 жылы Шығыс Қазақстан облысы бойынша экономикалық қылмысқа және сыбайлас жемқорлыққа қарсы күрес департаментінде бастады. 2015 жылдың тамызынан бастап осы күнге дейін Шемонаиха ауданы әкімінің орынбасары қызметін атқарды.

×
Бұл желілік ресурстың ақпараттық өнімдері 18 жастан асқан адамдарға арналған.