Семейлік оқушылар домбыра ойнайтын робот жасады

Жарияланған:
10.11.2019, 16:17

Жаңа робот домбырадағы барлық пернені еркін басып, ішекті қалауынша қаға біледі

Фото: altaynews.kz

Семейдегі Назарбаев зияткерлік мектебінің информатика пәні мұғалімі Бақытбек Орынбаев пен оның шәкірттері Мирас Мұратқанов және Нұрбол Мақтаев домбырада ойнайтын робот құрастырды. Өнертапқыштар бұл еңбектерін ұлы Абайдың 175 жылдығына арнап отыр, деп хабарлады  Azattyq Rýhy тілшісі altaynews.kz-ке сілтеме жасап.

«Әр оқу жылы басталарда алдымызға мақсат қоямыз. Домбырада ойнайтын робот жасау идеясы біраз уақыт ойда жүрді. Жобаны жүзеге асырудың сәті биыл түсті. Алдымен роботты құрастырып, кейін оның пернені басатын, ішекті қағатын бөліктерін жеке-жеке жасадық», – дейді Бақытбек Нұрлыбекұлы.

Күйші роботты құрастырушылардың сөзіне қарағанда, мектепте бұған дейін де осыған ұқсас робот болған. Алайда ол бір күйді орындаумен ғана шектелген екен. Ал жаңа роботтың домбырадағы барлық пернені еркін басып, ішекті қалауынша қаға білетін артықшылығы бар. 

Робот күйді компьютерге енгізілген ноталар арқылы орындайды. Ол Абайдың «Торжорға», халық күйі «Қара жорға» мен халық әні «Еркем-айды» орындай алады. Ұстаз бен шәкірттер өз туындыларының кез келген шығарманы нота арқылы орындауға мүмкіндігі бар екеніне сенімді.

Тегтер: #Семей
Біздің ең маңызды және қызықты жаңалықтарды біздің Telegram-каналдан оқыңыз
Өзге де қызықты мақалалар
Көкшетауда 80 оқушының ауырып қалу себебі анықталды
13 қарашаға арналған ауа райы болжамы
Алматыда тұрғын үйде газ жарылып, бір адам қаза тапты

Сұхбат
Ресейде 800-900 мың қазақ өмір сүріп жатыр деген мәлімет бар, кей дереккөзде 1,5 миллион деп жазылған
«Абайдың 45 сұрағына» Арыстанбек Мұхамедиұлы жауап берді 
Абайдың 45 сұрағына алғаш болып жауап берген - Мәжіліс депутаты Нұртай Сабильянов
Бүгінде Кореяда жұмыс істеп жатқан қазақтардың саны артып келеді. Күнкөріс қамымен шетел асып барғандардың көпшілігі визасыз жұмыс істеп жүр.