Илья Ильин жаңа қызметке кірісті
Ол жаңа қызметін туған жері – Қызылорда облысында атқарады
Белгілі спортшы, ауыр атлет Илья Ильин Қазақстан спортшылар одағының Қызылорда облысы бойынша филиалының басшысы болғанын хабарлады. Филиал ресми түрде 2020 жылдың 1 қыркүйегінде тіркелген.
«Жақсы жаңалығымды бөліскім келіп отыр. Мен Қазақстан спортшылар одағының Қызылорда облысы бойынша филиалын басқарамын. Филиал ресми түрде 2020 жылдың 1 қыркүйегінде тіркелген. Туған өңірімдегі спортты дамытуға қатысты үлкен жоспарым бар. Алдыма үлкен мақсат қойдым, оларды міндетті түрде жүзеге асырамыз деп үміт артамын!», - деп хабарлады спортшы.
Еске сала кетейік, 2020 жылдың 11 мамырында Илья Ильин спорттағы карьерасын аяқтап, Қызылорда қаласындағы «Мұз айдыны» спорт кешенінің директоры қызметіне кіріскен еді.
