Шығыс Қазақстан облысында жол апатынан бір адам көз жұмды

Шығыс Қазақстан облысында жол апатынан бір адам қаза тапты. Қайғылы оқиға Мақаншы-Жалаңашкөл тас жолында болған, деп хабарлайды Altaynews.kz.

«Сағат 11.00 шамасында Daewoo Nexia автокөлігінің жүргізушісі басқаруға ие бола алмай, көлік жыраға түсіп кетті. ШҚО ПД баспасөз қызметінің ақпараты бойынша, алған жарақаттардан 45 жастағы жүргізуші әйел оқиға орнында көз жұмды. Көлікте отырған 62 жастағы ер адам, жүргізушінің 17, 12 жастағы ұлдары ауруханаға жеткізілді», -  деп жазылған ақпаратта.

Медициналық тексеруден кейін олар үйлеріне қайтарылды. Қазір жол апатына байланысты сотқа дейінгі тергеу амалдары жүргізілуде.