СҚО-да 900 мың гектар жер мемлекет меншігіне қайтарылды
Оның кадастрлық құны 8 млрд теңгеге бағаланып отыр
Солтүстік Қазақстан облысының 900 мың гектар жер мемлекет меншігіне қайтарылды. Оның кадастрлық құны 8 млрд теңгеге бағаланып отыр, деп хабарлайды Azattyq Rýhy тілшісі «Хабар 24» сайтына сілтеме жасап.
Мемлекет басшысы Қасым-Жомарт Тоқаев соңғы Жолдауында жер ресусртарын тиімді пайдалануды қамтамасыз етуді тапсырған еді. Осыған байланысты Жер кодексіне тиісті өзгертулер де енгізілді. Бұл ретте облыс прокурорлары жүйелі жұмыс жүргізіп жатыр. Бір мысал, Есіл ауданында 100 шақты үлескер серіктестіктің қатарынан шықты. Сонымен қатар кәсіпкердің жерді ешкіммен келіспей кепілдікке қойып, несие алғаны анықталды.
«Ауданаралық экономикалық соттың шешімімен Есіл ауданы әкімдігінің жер қатынастары бөлімінің «Ключевое» серіктестігінің біріктірген жер учаскесін жалға алу туралы шартты өзгерту туралы талап-арыздары қанағаттандырылды. Аталған жерлерді пайдалану құқығы тоқтатылды, енді пайшылар өз жерлерін пайдаланатын болады», - деді Есіл ауданының прокуроры Тыныбек Сапаров.
