7 қарашаға арналған ауа райы болжамы

«Қазгидромет» РМК 7 қарашаға арналған ауа райы болжамын ұсынады, деп хабарлайды Azattyq Rýhy.

Ресейдің еуропалық бөлігінен Оралға қарай атмосфералық ауа ағындарының өтуіне байланысты Қазақстанның басым бөлігінде құбылмалы ауа райы сақталады. Еліміздің батыс және солтүстік өңірлерінде күн тағы суытып, жаңбыр және қар жауады.

Тек республиканың оңтүстігі мен батысы жауын-шашынсыз болады. Кей жерде екпінді жел, тұман, көктайғақ, жаяу бұрқасын болуы мүмкін.

Ақмола, Қарағанды, Шығыс Қазақстан, Павлодар облыстарының кей аумағында тұман түсіп, көктайғақ, жаяу бұрқасын болып, жел 15-20 м/с, күндіз Ақмола облысында 23 м/с дейін күшейеді.

Солтүстік Қазақстан облысының кей жерінде тұман, көктайғақ, жаяу бұрқасын, басым бөлігінде желдің жылдамдығы 23 м/с дейін жетуі ықтимал.

Алматы, Жамбыл, Қызылорда, Маңғыстау, Атырау, Батыс Қазақстан, Қостанай облыстарының кей жерінде тұман, Алматы облысының кей тұсында көктайғақ болады.