Алдағы үш күнде Қазақстанның үш мегаполисінде ауа райы қалай өзгереді
Елордада қар мен көктайғақ күтілсе, Шымкентте күндіз ауа температурасы +14 градусқа дейін көтеріледі
Алдағы үш күнде Астана, Алматы және Шымкент қалаларында ауа райы құбылмалы болады. Елордада қар жауып, көктайғақ күтілсе, Алматыда аптаның соңына қарай жаңбыр жауады. Ал Шымкентте күндіз ауа температурасы +14 градусқа дейін көтеріледі, деп хабарлайды Azattyq Rýhy «Қазгидрометке» сілтеме жасап.
Астанада қар жауып, көктайғақ болады
13 қарашада елордада құбылмалы бұлтты ауа райы сақталып, аздаған қар жауады. Оңтүстік-батыстан соғатын желдің жылдамдығы секундына 2–7 метр болады. Түнде ауа температурасы -1–3 градус, күндіз 0 және +2 градус аралығында болады.
14 қарашада күндіз жаңбыр аралас қар жауып, көктайғақ болады. Оңтүстік-батыстан соғатын желдің жылдамдығы секундына 7–12 метрге жетеді. Түнде -2–4 градус аяз, күндіз 0 және +2 градус жылы болады.
15 қарашада түнде және таңертең қар жауып, көктайғақ күтіледі. Сонымен қатар тұман түседі. Оңтүстіктен соғатын желдің жылдамдығы секундына 3–8 метр болады. Түнде ауа температурасы -3–5 градус, күндіз 0 және +2 градус аралығында сақталады.
Алматыда аптаның соңында жаңбыр жауады
13 қарашада Алматыда құбылмалы бұлтты ауа райы күтіледі. Жауын-шашын болмайды. Түнде және таңертең тұман түседі. Солтүстік-шығыстан соғатын желдің жылдамдығы секундына 3–8 метр болады. Түнде ауа температурасы -2–4 градус, күндіз +5–7 градус болады.
14 қарашада да жауын-шашын күтілмейді. Солтүстік-шығыстан соғатын желдің жылдамдығы секундына 3–8 метрге жетеді. Түнде -3–5 градус аяз, күндіз +5–7 градус жылы болады.
15 қарашада күннің екінші жартысында жаңбыр жауады. Солтүстік-шығыстан соғатын желдің жылдамдығы секундына 3–8 метр, күндіз екпіні 13 метрге дейін жетеді. Түнде ауа температурасы -3–5 градус, күндіз +5–7 градус болады.
Шымкентте күн 14 градусқа дейін жылынады
13 қарашада Шымкентте жауын-шашынсыз, құбылмалы бұлтты ауа райы сақталады. Түнде және таңертең тұман түседі. Солтүстік-шығыстан соғатын желдің жылдамдығы секундына 5–10 метр болады. Түнде ауа температурасы 0 және -2 градус, күндіз +7–9 градус аралығында болады.
14 қарашада жауын-шашын күтілмейді. Түнде және таңертең тұман түседі. Солтүстік-шығыстан соғатын желдің жылдамдығы секундына 8–13 метрге жетеді. Түнде ауа температурасы 0 және +2 градус, күндіз +9–11 градус болады.
15 қарашада да жауын-шашынсыз ауа райы болжанады. Түнде және таңертең тұман түседі. Солтүстік-шығыстан соғатын желдің жылдамдығы секундына 8–13 метр болады. Түнде +1–3 градус, күндіз +12–14 градус жылы болады.
