Қар мен жаңбыр: Қазақстанда 5 қазанға дауылды ескерту жарияланды

5 қазанға Қазақстанның 16 өңірінде дауылды ескерту жарияланды. Жекелеген облыстарда қатты жауын-шашын, жаңбыр аралас қар, найзағай, тұман, көктайғақ және жерүсті бұрқасыны күтіледі. Кейбір өңірлерде топырақ бетінде үсік жүруі мүмкін, деп хабарлайды Azattyq Rýhy «Қазгидрометке» сілтеме жасап. 

Ақмола облысында жаңбыр және қар түрінде жауын-шашын, жерүсті бұрқасыны күтіледі. Күндіз облыстың батысы мен солтүстігінде қатты жауын-шашын болжанады. Түнде батысы мен солтүстігінде тұман және көктайғақ күтіледі.

Солтүстік Қазақстан облысында жаңбыр мен қар, жерүсті бұрқасыны, көктайғақ күтіледі. Күндіз батысы мен солтүстігінде қатты жауын-шашын болжанады. Түнде және таңертең батысы мен солтүстігінде тұман болады. Петропавлда да жаңбыр мен қар, жерүсті бұрқасыны, көктайғақ, түнде және таңертең тұман күтіледі.

Қостанай облысында жаңбыр мен қар, жерүсті бұрқасыны және көктайғақ күтіледі. Облыстың батысы, солтүстігі және шығысында қатты жауын-шашын болжанады. Түнде және таңертең батысы мен солтүстігінде тұман күтіледі. Қостанайда жаңбыр мен қар, жерүсті бұрқасыны және көктайғақ болады, күндіз кей уақытта қатты жауын-шашын жауады.

Қарағанды облысында түнде солтүстікте, шығыста және оңтүстікте жаңбыр мен қар күтіледі. Күндіз облыстың батысы, солтүстігі мен шығысында жауын-шашын болжанады. Түнде және таңертең батысы, солтүстігі мен шығысында тұман күтіледі. Күндіз желдің жылдамдығы 15–20 м/с-қа жетеді. Облыстың батысы мен орталығында төтенше өрт қаупі сақталады, шығысы мен оңтүстігінде де төтенше өрт қаупі күтіледі. Қарағандыда кей уақытта жаңбыр және қар түрінде жауын-шашын жауады, түнде және таңертең тұман болады.

Ұлытау облысының батысы мен солтүстігінде жаңбыр және қар түрінде жауын-шашын күтіледі. Түнде және таңертең солтүстігі мен шығысында тұман болжанады. Күндіз жел 15–20 м/с-қа дейін күшейеді. Облыс орталығында төтенше өрт қаупі сақталады. Жезқазғанда желдің жылдамдығы 15–20 м/с болады.

Шығыс Қазақстан облысының солтүстігінде қатты жаңбыр, шығысы мен таулы аудандарында жаңбыр және қар түрінде жауын-шашын күтіледі. Түнде және таңертең солтүстігі мен шығысында тұман болады. Оңтүстік-шығыстан соққан жел оңтүстік-батысқа ауысып, облыстың батысы, солтүстігі және оңтүстігінде екпіні 23–28 м/с-қа дейін жетеді. Оңтүстігі мен орталығында жоғары өрт қаупі, оңтүстік-шығысында төтенше өрт қаупі сақталады. Өскеменде оңтүстік-шығыстан соққан жел оңтүстік-батысқа ауысып, екпіні 15–20 м/с, түнде кей уақытта 23 м/с болады.

Абай облысының солтүстігі мен орталығында түнде қатты жаңбыр күтіледі. Түнде және таңертең облыстың батысы мен солтүстігінде тұман болжанады. Оңтүстік-батыстан, батыстан соққан желдің облыстың батысы, солтүстігі мен орталығында екпіні 23–28 м/с-қа жетеді. Солтүстігі мен орталығында жоғары өрт қаупі, солтүстік-батысында төтенше өрт қаупі сақталады. Семейде оңтүстік-батыстан, батыстан соққан желдің екпіні 15–20 м/с, түнде кей уақытта 23 м/с болады. Жоғары өрт қаупі сақталады.

Алматы облысының оңтүстігінде кей уақытта қатты жаңбыр жауады. Таулы аудандарда, кейде қатты, жаңбыр және қар түрінде жауын-шашын күтіледі, түнде және таңертең таулы жерлерде тұман болады. Солтүстік-батыстан соққан жел облыстың батысы, оңтүстігі, шығысы мен таулы аудандарында 15–20 м/с-қа дейін, кей уақытта 25 м/с-қа дейін күшейеді. Солтүстігінде, батысында, шығысында және орталығында төтенше өрт қаупі сақталады.

Алматыда түнде кей уақытта қатты жаңбыр жауып, желдің екпіні 15–18 м/с-қа дейін жетеді. Қонаевта желдің жылдамдығы 15–20 м/с, кей уақытта 25 м/с болады. Қалада төтенше өрт қаупі сақталады. Іле Алатауы тауларында, сондай-ақ Алматының Медеу және Бостандық аудандарының таулы аймақтарында жауын-шашын, кей уақытта қатты жаңбыр мен қар күтіледі. Түнде және таңертең тұман болады. Солтүстік-батыстан соққан желдің екпіні 15–20 м/с, кей уақытта 25 м/с-қа жетеді.

Жетісу облысында жаңбыр жауады. Облыстың шығысы мен орталығында қатты жаңбыр, таулы аудандарда кей уақытта жаңбыр және қар түрінде қатты жауын-шашын күтіледі. Түнде және таңертең таулы аудандарда тұман болады. Шығысы мен таулы аудандарында оңтүстік-батыстан соққан жел 15–20 м/с, Алакөл көлдері маңында екпіні 23–28 м/с болады. Алакөл көлдері ауданында жергілікті дауылды ескертуге сәйкес желдің жылдамдығы 30 м/с және одан жоғары болуы мүмкін. Облыстың шығысында төтенше өрт қаупі сақталады. Талдықорғанда түнде кей уақытта қатты жаңбыр жауады.

Жамбыл облысында түнде жаңбыр және найзағай күтіледі. Облыстың оңтүстігі мен шығысында қатты жаңбыр, таулы аудандарда кей уақытта жаңбыр және қар түрінде қатты жауын-шашын болжанады. Күндіз таулы аудандарда жаңбыр және найзағай болады. Таулы жерлерде тұман күтіледі. Оңтүстік-батыстан соққан желдің екпіні 15–20 м/с, кей уақытта 23–28 м/с-қа жетеді. Облыстың батысы, солтүстігі және оңтүстігінде төтенше өрт қаупі сақталады. Таразда түнде жаңбыр және найзағай күтіледі.

Түркістан облысында түнде оңтүстігі мен тау бөктеріндегі аудандарда жаңбыр және найзағай, таулы жерлерде жауын-шашын, түнде кей уақытта жаңбыр және қар түрінде қатты жауын-шашын күтіледі. Күндіз таулы аудандарда жаңбыр мен найзағай болжанады. Түнде және таңертең таулы жерлерде тұман болады. Солтүстік-батыстан соққан желдің облыстың батысы, солтүстігі, оңтүстігі және таулы аудандарында екпіні 23–28 м/с-қа жетеді. Түнде солтүстігінде және таулы жерлерінде топырақ бетінде 1 градус үсік күтіледі. Облыстың батысы, солтүстігі, оңтүстігі мен орталығында төтенше өрт қаупі сақталады. Шымкентте түнде жаңбыр және найзағай, жел 15–20 м/с болады. Түркістанда желдің жылдамдығы 15–20 м/с-қа жетеді. Төтенше өрт қаупі сақталады.

Қызылорда облысының батысы, солтүстігі мен орталығында шаңды дауыл күтіледі. Оңтүстік-батыстан соққан жел түнде облыстың батысы, солтүстігі мен орталығында 15–20 м/с, күндіз екпіні 23 м/с болады. Түнде солтүстігі мен шығысында топырақ бетінде 1 градус үсік күтіледі. Облыста төтенше өрт қаупі, ал солтүстігі мен орталығында жоғары өрт қаупі сақталады. Қызылордада күндіз шаңды дауыл болады. Төтенше өрт қаупі сақталады.

Ақтөбе облысында түнде жаңбыр және қар түрінде жауын-шашын, солтүстігі мен шығысында көктайғақ, күндіз солтүстігі мен шығысында аздаған жауын-шашын күтіледі. Батыстан, оңтүстік-батыстан соққан желдің түнде оңтүстігі мен шығысында екпіні 15–20 м/с, күндіз 15–20 м/с, ал солтүстігі, шығысы және оңтүстігінде кей уақытта 23–28 м/с-қа жетеді. Облыстың шығысында жоғары өрт қаупі, батысы, оңтүстігі, солтүстік-шығысы және орталығында төтенше өрт қаупі сақталады. Ақтөбеде түнде жаңбыр мен қар, көктайғақ күтіледі. Күндіз батыстан, оңтүстік-батыстан соққан желдің екпіні 15–20 м/с, кей уақытта 25 м/с болады.

Атырау облысында батыстан жел соғады. Түнде облыстың солтүстігі мен шығысында желдің екпіні 15–20 м/с болады. Облыста жоғары өрт қаупі, оңтүстігінде төтенше өрт қаупі сақталады. Атырауда төтенше өрт қаупі бар.

Маңғыстау облысының батысы мен солтүстігінде түнде солтүстік-батыстан жел соғып, оның жылдамдығы 15–20 м/с болады. Облыстың батысы мен орталығында жоғары өрт қаупі сақталады. Ақтауда түнде солтүстік-батыстан соққан желдің екпіні 15–18 м/с болады. Жоғары өрт қаупі сақталады.

Батыс Қазақстан облысының солтүстік-шығысы мен шығысында түнде жаңбыр және қар түрінде жауын-шашын күтіледі. Түнде және таңертең облыстың батысы мен солтүстігінде тұман болады. Солтүстік-шығысы мен шығысында батыстан және солтүстік-батыстан соққан желдің екпіні 15–20 м/с-қа жетеді. Облыстың оңтүстігі мен шығысында жоғары өрт қаупі сақталады. Оралда түнде және таңертең тұман күтіледі.