Абай облысында «Этнохалық» этнофестивалі өтті

Абай облысында қазақ халқының мәдениеті мен дәстүрін дәріптеуге, ел бірлігі мен қоғамдық келісімді нығайтуға бағытталған «Этнохалық» этнофестивалі өтті, деп хабарлайды Azattyq Rýhy.

Фестивальге өңір студенттері қатысты. Мәдени іс-шара барысында жастар ұлттық мәдениет пен салт-дәстүр туралы ән айтып, би билеп, өз өнерін ортаға салды.

Бағдарлама аясында ұлттық ойындар мен спорттық сайыстар да ұйымдастырылды.

Мұндай іс-шаралар ұлттық мәдениетті кеңінен насихаттауға, жастардың бастамаларын қолдауға, ел ішіндегі бірлік пен қоғамдық келісімді нығайтуға ықпал етпек.