Астана тұрғынын бопсалап, 17,6 млн теңге алған ер адам 7 жылға сотталып кетті
Ол жеке мәліметтерді таратып жіберемін деп қорқытқан
Астанада жәбірленушінің жеке өміріне қатысты мәліметтерді таратамын деп қорқытып, 17,6 млн теңгеден астам ақша бопсалаған қала тұрғыны 7 жылға бас бостандығынан айырылды, деп хабарлайды Azattyq Rýhy.
Прокуратураның мәліметінше, психологиялық қысымды күшейту мақсатында ол мессенджерде құқық қорғау органдарының қызметкері ретінде өзін таныстырып, жәбірленушіні ақша беруге, яғни жәбірленушіге қатысты мәліметтердің таралмауы мәселесін шешуге көндірген жалған аккаунт құрған.
Қорқытулардан қауіптенген жәбірленуші сотталушыға 17,6 млн теңгеден астам ақша берген.
«Мемлекеттік айыптаушы сотта сотталушының кінәсін дәлелдейтін барлық дәлелдемелерді ұсынды. Үкім заңды күшіне енбеді. Прокуратура азаматтарды бопсалауға бой алдырмауға және қорқыту фактілері орын алған жағдайда дереу құқық қорғау органдарына жүгінуге шақырады», – делінген прокуратураның хабарламасында.
