Құрылтай депутаты болған азаматтар бұрынғы лауазымдарынан босап жатыр

Ақорда арнайы хабарлама жариялады

Фото: parlam.kz

Мемлекет басшысы Қасым-Жомарт Тоқаев Құрылтай депутаты болған азаматтарды бұрынғы лауазымдарынан босатты, деп хабарлайды Azattyq Rýhy.

Ақорданың мәліметінше, мемлекет басшысының жарлығымен Сатыбалды Ересұлы Бұршақов Қазақстан Республикасының Солтүстік Македония Республикасындағы төтенше және өкілетті елшісі, Дархан Мейрамұлы Ахмедиев Қазақстан Республикасы Қорғаныс министрінің орынбасары, Абай Алтай Қазақстан Республикасы Президенті Іс басқарушысының орынбасары, Ербол Дәненұлы Адаев Қазақстан Республикасы Президенті Әкімшілігінің Жалпы бөлімінің меңгерушісі лауазымдарынан босатылды.

Айта кетейік, «Әділет» партиясынан Құрылтай депутаттығына кімдер өткені анықталып, ресми тізімі жарияланды.

Мақалада

#ақорда #депутат #Құрылтай

Алдыңғы жаңалық

Қазақстандық онкологтар тәжірибе жинау үшін Тәжікстанға барды