Қазақстан Халық партиясының өкілдері БЖСМ мекемесінің ұжымымен кездесу өткізді

Кездесу барысында спорт саласының өзекті мәселелерімен қатар, қоғам үшін маңызды басқа да тақырыптар талқыланды, деп хабарлайды Azattyq Rýhy.

Сайлауалды штаб мүшелері Қазақстан Халық партиясының бағдарламасын таныстырып, партияның негізгі бағыттары мен алға қойған мақсаттарына тоқталды.

Сонымен қатар, ұстаздардың қоғамдағы рөлі мен олардың мәртебесін арттыру мәселесіне ерекше назар аударылды. Мұғалім еңбегін бағалау, әлеуметтік жағдайын жақсарту және білім саласын дамыту – ел болашағы үшін маңызды міндеттердің бірі екені атап өтілді.

Кездесу ашық пікір алмасу форматында өтіп, ұжым мүшелері өздерін толғандырған сұрақтарын қойып, ұсыныстарын білдірді.