Шавкат Рахмоновтың әкесі өмірден өтті

Марқұмның жетісі 13 тамызда Қарағанды қаласында беріледі

Фото: @shavkatrakhmonov94

Қазақстандық UFC спортшысы Шавкат Рахмоновтың әкесі Бақтыбай Алпамысов 66 жасында дүниеден өтті. Vesti.kz мәліметінше, ол 2 тамыз күні қайтыс болған, деп хабарлайды Azattyq Rýhy.

Қайғылы жағдай әлеуметтік желілерде марқұмды еске алуға арналған ас берілетіні туралы хабарландыру тарағаннан кейін белгілі болды. Құран оқылып, жетісі 13 тамызда Қарағанды қаласында беріледі.

Туыстары мен жақындарына арналған хабарламада Бақтыбай Рахманұлы Алпамысовтың рухына бағышталып, бейсенбі күні Құран оқылып, ас берілетіні айтылған.

Материал жарияланған сәтте Шавкат Рахмонов әкесінің қайтыс болғаны туралы көпшілік алдында пікір білдірмеген.

Мақалада

#UFC #Шавкат Рахмонов

Алдыңғы жаңалық

Жетісу облысында сатушылар арасындағы дау төбелеске ұласқан: полиция қылмыстық іс қозғады