«Ақ жол» партиясының мүшелері Шамалған тұрғындарымен кездесті

Жүздесу ашық диалог форматында өтті

Фото: «Ақ жол» партиясы/Видеодан скрин

«Ақ жол» партиясының төрағасы Дания Еспаева бастаған Республикалық сайлауалды штабы Алматы облысы Қарасай ауданының Шамалған ауылында тұрғындармен кездесті, деп хабарлайды Azattyq Rýhy.

Басқосуда шағын және орта кәсіпкерлікті дамыту, жаңа жұмыс орындарын ашу, халықтың табысын арттыру мәселелері қызу талқыланды. Оған қоса, ауылды көркейту мен сапалы білім, медицинаның қолжетімділігі сияқты әлеуметтік тақырыптар да басты назарда болды.

Жүздесу ашық диалог форматында өтті. Ауыл тұрғындары елді мекендегі өзекті мәселелерді көтеріп, штаб мүшелерінен туындаған сұрақтарға тұщымды жауап алды.

«Ақ жол» партиясының Алматы облысындағы үгіт-насихат жұмысы қарқынды түрде жалғасып жатыр.