Павлодарда 1,5 жасар бала 6-қабаттан құлап кетіп, көз жұмды (ВИДЕО)

Павлодарда бір жарым жасар бала алтыншы қабаттан құлап кетіп, көз жұмды, деп хабарлайды Azattyq Rýhy.

Облыстық жедел жәрдем станциясы хабарлағандай, шақырту 30 шілде күні сағат 19:23-те түскен. Медициналық бригада оқиға орнына екі минуттан кейін жеткенімен, бүлдіршін өте ауыр жарақаттар алған.

Желідегі мәліметке сүйенсек, кішкентай бала алтыншы қабаттағы пәтердің ашық терезесінен құлап кеткен. Оқиға болған сәтте ата-анасының үйінде болғаны хабарланды.