15 шілдеде бірнеше өңірде дауылды ескерту жарияланды

15 шілдеге арналған ауа райы болжамына сәйкес, Қазақстанның үш мегаполисі мен 17 облысында дауылды ескерту жарияланды, деп хабарлайды Azattyq Rýhy «Қазгидрометке» сілтеме жасап.

Синоптиктердің болжамынша, Астанада өткінші жаңбыр жауып, найзағай ойнайды, екпінді жел соғады. Желдің бағыты оңтүстік-шығыстан солтүстік-батысқа ауысып, екпіні секундына 15–20 метрге дейін жетеді.

Алматыда аптап ыстық сақталып, ауа температурасы +35 градусқа дейін көтеріледі. Қалада өрт қаупі жоғары деңгейде болады.

Шымкентте де жоғары өрт қаупі сақталады.

Қостанай облысында түнде облыстың солтүстігі мен шығысында жаңбыр жауып, найзағай болады. Күндіз батыста, солтүстікте және шығыста жаңбыр жауып, найзағай ойнайды, бұршақ түсіп, екпінді жел соғуы мүмкін. Кей жерлерде қатты жаңбыр жауады. Түнде және таңертең облыстың солтүстігі мен шығысында тұман күтіледі. Солтүстік-батыстан соғатын желдің екпіні секундына 15–20 метрге жетеді. Облыстың оңтүстігі мен орталығында жоғары өрт қаупі сақталады.

Маңғыстау облысында күндіз солтүстік-шығысында жаңбыр жауып, найзағай болады. Түнде және таңертең облыстың батысында тұман түсуі мүмкін. Батысында батыс және солтүстік-батыс желінің екпіні секундына 15–18 метрге дейін күшейеді. Облыстың солтүстік, шығыс және орталық аудандарында жоғары өрт қаупі сақталады.

Қызылорда облысында күндіз солтүстігі мен орталығында шаңды дауыл күтіледі. Желдің екпіні секундына 15–20 метрге жетеді. Өңірдің басым бөлігінде төтенше өрт қаупі, ал батысында жоғары өрт қаупі сақталады.

Абай облысында күндіз батысы мен оңтүстік-батысында жаңбыр жауып, найзағай болады. Кей жерлерде желдің екпіні секундына 15–20 метрге дейін күшейеді. Оңтүстігінде ауа температурасы +41 градусқа дейін көтеріледі. Облыс бойынша жоғары өрт қаупі сақталады, ал солтүстігі мен оңтүстік-шығысында төтенше өрт қаупі жарияланған.

Алматы облысының таулы аудандарында өткінші жаңбыр жауып, найзағай болады. Желдің екпіні секундына 15–20 метрге дейін жетеді. Күндіз ауа температурасы +35…+38 градусқа дейін көтеріледі. Солтүстігінде төтенше өрт қаупі сақталса, батысында, шығысында, орталығында және оңтүстігінде жоғары өрт қаупі болады.

Атырау облысының солтүстігі мен шығысында жаңбыр жауып, найзағай болады. Оңтүстігінде аздаған жаңбыр жауып, найзағай күтіледі. Батысы мен оңтүстік-шығысында жоғары өрт қаупі сақталады.

Шығыс Қазақстан облысында күндіз шығысы мен оңтүстігінде жаңбыр жауып, найзағай болады. Желдің екпіні секундына 15–20 метрге дейін жетеді. Облыстың оңтүстігінде ауа температурасы +41 градусқа дейін көтеріледі. Жалпы өңірде жоғары өрт қаупі сақталады, ал солтүстік-батыс, оңтүстік-шығыс және орталық аудандарында төтенше өрт қаупі болады.

Ұлытау облысында күндіз солтүстігі мен шығысында солтүстік-батыс желі секундына 15 метрге дейін күшейеді. Өңірде жоғары өрт қаупі сақталады.

Қарағанды облысында таңертең және күндіз батысында, солтүстігінде және шығысында жаңбыр жауып, найзағай болады. Орталық бөлігінде аздаған жаңбыр жауып, найзағай күтіледі. Желдің екпіні секундына 15 метрге дейін жетеді. Оңтүстігі мен шығысында жоғары өрт қаупі сақталса, батысы мен солтүстігінде төтенше өрт қаупі болады.

Солтүстік Қазақстан облысында түнде жаңбыр жауып, найзағай болады, шығысында қатты жаңбыр күтіледі. Күндіз оңтүстігі мен шығысында жаңбыр жауып, найзағай ойнайды, бұршақ түсіп, екпінді жел соғуы мүмкін. Түнде және таңертең батысында тұман күтіледі. Кей жерлерде желдің екпіні секундына 23–28 метрге дейін жетеді. Оңтүстік-шығысында жоғары өрт қаупі сақталады.

Жамбыл облысында күндіз таулы аудандарда солтүстік-батыс желі секундына 15–20 метрге дейін күшейеді. Облыс бойынша жоғары өрт қаупі сақталады, ал батысы мен солтүстігінде төтенше өрт қаупі болады.

Павлодар облысында күндіз батысы мен оңтүстігінде жаңбыр жауып, найзағай болады. Желдің екпіні секундына 15–20 метрге дейін жетеді. Облыс бойынша жоғары өрт қаупі сақталады, ал оңтүстік-шығысында төтенше өрт қаупі болады.

Ақтөбе облысында түнде солтүстігі мен орталығында аздаған жаңбыр жауып, найзағай болады. Күндіз солтүстігінде де аздаған жаңбыр мен найзағай күтіледі, ал орталығы мен шығысында жаңбыр жауып, найзағай ойнайды, бұршақ түсіп, екпінді жел соғуы мүмкін. Кей жерлерде желдің екпіні секундына 23 метрге дейін жетеді. Күндіз ауа температурасы +35…+36 градусқа дейін, ал оңтүстігінде +40 градусқа дейін көтеріледі. Батысында, оңтүстігінде және шығысында жоғары өрт қаупі сақталады, ал оңтүстік-шығысында төтенше өрт қаупі болады.

Жетісу облысында күндіз таулы аудандарда өткінші жаңбыр жауып, найзағай болады. Шығысында желдің екпіні секундына 15–20 метрге дейін күшейеді. Облыстың батысы мен орталығында 15–16 шілде күндері жоғары өрт қаупі сақталады.

Батыс Қазақстан облысында батысында, солтүстігінде және шығысында жаңбыр жауып, найзағай болады. Күндіз бұршақ түсіп, екпінді жел соғуы мүмкін. Желдің екпіні секундына 15–20 метрге дейін жетеді. Облыстың оңтүстігінде ауа температурасы +36 градусқа дейін көтеріледі. Батысында жоғары өрт қаупі сақталады.

Түркістан облысында таулы аудандарда солтүстік-батыс желі секундына 15–20 метрге дейін күшейеді. Облыс бойынша төтенше өрт қаупі сақталады, ал оңтүстік-шығысында жоғары өрт қаупі болады.

Ақмола облысында батысында, солтүстігінде және шығысында жаңбыр жауып, найзағай болады, екпінді жел соғып, шаңды дауыл тұрады. Күндіз бұршақ жаууы мүмкін. Кей жерлерде желдің екпіні секундына 25 метрге дейін жетеді.