Аптап пен найзағай: 18 маусымға арналған ауа райы болжамы

Қазақстанның барлық өңірінде 18 маусымға дауылды ескерту жарияланды, деп хабарлайды Azattyq Rýhy «Қазгидрометке» сілтеме жасап.

Астанада кей уақыттарда жаңбыр жауып, найзағай ойнайды, күндіз бұршақ түсуі мүмкін. Солтүстік-шығыстан соғатын желдің жылдамдығы күндіз секундына 15–18 метрге дейін күшейеді.

Алматыда күндіз аздаған жаңбыр жауып, найзағай күтіледі. Қала аумағында жоғары өрт қаупі сақталады. Іле Алатауының таулы аймақтарында, оның ішінде Медеу мен Бостандық аудандарының таулы бөліктерінде өткінші жаңбыр мен найзағай болжанып отыр. Солтүстік-батыс желінің екпіні секундына 15–20 метрге жетуі мүмкін.

Шымкентте өткінші жаңбыр жауып, найзағай ойнайды. Солтүстік-батыс желі солтүстік-шығыс бағытқа ауысып, екпіні секундына 15–20 метрге дейін күшейеді. Қалада төтенше өрт қаупі сақталады.

Қызылорда облысының орталығы мен оңтүстігінде күндіз жаңбыр жауып, найзағай ойнайды, дауылды жел соғуы мүмкін. Солтүстік және солтүстік-батыс желінің екпіні облыс орталығында секундына 15–20 метрге жетеді. Ауа температурасы 40 градусқа дейін көтеріледі. Төтенше өрт қаупі сақталады.

Жетісу облысының таулы аудандарында күндіз өткінші жаңбыр мен найзағай күтіледі. Алакөл көлдері маңында солтүстік-шығыс желінің екпіні секундына 15–20 метрге дейін күшейеді. Өңірде 35–37 градусқа дейін аптап ыстық болады. Облыстың орталығы мен оңтүстігінде жоғары, ал шығысы мен батысында төтенше өрт қаупі сақталады.

Ақтөбе облысының солтүстігі мен орталығында түнде жаңбыр жауып, найзағай ойнайды. Күндіз облыстың солтүстік-шығысында, шығысында және оңтүстігінде жауын-шашын мен найзағай күтіледі. Оңтүстікте ауа температурасы 37 градусқа дейін көтеріледі.

Маңғыстау облысында күндіз 38–39 градусқа дейін қатты ыстық болады. Облыстың батысы мен солтүстік-шығысында жоғары өрт қаупі сақталады.

Алматы облысының солтүстігі мен оңтүстігінде күндіз аздаған жаңбыр жауып, найзағай болады. Тау бөктері мен таулы аудандарда өткінші жаңбыр мен найзағай күтіледі. Солтүстік-батыс желінің екпіні секундына 15–20 метрге жетеді. Ауа температурасы 35–38 градусқа дейін көтеріледі. Облыстың оңтүстігі мен батысында жоғары, ал солтүстігінде төтенше өрт қаупі сақталады.

Атырау облысының батысында күндіз аздаған жаңбыр жауып, найзағай күтіледі. Ауа температурасы 35–36 градусқа дейін көтеріледі. Облыс бойынша жоғары өрт қаупі сақталады.

Қарағанды облысының батысы мен солтүстігінде түнде аздаған жаңбыр жауып, найзағай ойнайды. Күндіз батысы мен оңтүстігінде жаңбыр мен найзағай, солтүстігінде аздаған жаңбыр мен найзағай күтіледі. Шығыс және солтүстік-шығыс желінің екпіні секундына 15–20 метрге жетеді. Облыстың оңтүстігінде 35–37 градусқа дейін аптап ыстық болады. Оңтүстікте жоғары, ал батысында, шығысында және орталығында төтенше өрт қаупі сақталады.

Ұлытау облысының оңтүстігінде түнде жаңбыр жауып, найзағай болады. Күндіз облыстың солтүстігінде, шығысында және орталығында жауын-шашын мен найзағай күтіледі. Солтүстік-шығыс желінің екпіні секундына 15–20 метрге дейін күшейеді. Ауа температурасы 35–37 градусқа дейін көтеріледі. Облыстың оңтүстігінде сақталып, шығысында төтенше өрт қаупі күтіледі.

Қостанай облысының батысында, солтүстігінде және оңтүстік-шығысында таңертең және күндіз жаңбыр жауып, найзағай ойнайды, бұршақ түсіп, дауылды жел соғуы мүмкін. Түнде және таңертең облыстың солтүстігі мен шығысында тұман күтіледі. Солтүстік-шығыс желінің екпіні секундына 15 метрге дейін жетеді. Облыстың оңтүстігінде ауа температурасы 35 градусқа дейін көтеріліп, оңтүстігі мен оңтүстік-батысында төтенше өрт қаупі сақталады.

Солтүстік Қазақстан облысының солтүстігінде, шығысында және оңтүстігінде түнде жаңбыр жауып, найзағай ойнайды. Күндіз жаңбыр мен найзағай күтіледі, ал оңтүстігі мен шығысында нөсер жаңбыр жаууы мүмкін. Солтүстігінде, шығысында және оңтүстігінде бұршақ түсіп, дауылды жел соғуы ықтимал. Түнде және таңертең кей жерлерде тұман болады. Желдің екпіні секундына 15–20 метрге жетеді.

Батыс Қазақстан облысының батысы мен оңтүстігінде жоғары өрт қаупі сақталады. Өңірдің қиыр батысында төтенше өрт қаупі күшінде.

Шығыс Қазақстан облысының оңтүстігінде түнде аздаған жаңбыр жауып, найзағай болады. Күндіз облыстың батысында, оңтүстігінде және шығысында өткінші жаңбыр жауып, найзағай ойнайды, бұршақ түсуі мүмкін. Солтүстік-батыс және солтүстік желдің екпіні секундына 15–20 метрге жетеді. Ауа температурасы 35 градусқа дейін көтеріледі. Облыс бойынша жоғары өрт қаупі сақталады, ал оңтүстігінде, орталығында және солтүстік-батысында төтенше өрт қаупі бар.

Абай облысының оңтүстігінде түнде аздаған жаңбыр жауып, найзағай болады. Күндіз оңтүстігі мен шығысында өткінші жаңбыр жауып, найзағай ойнайды, бұршақ түсуі мүмкін. Солтүстік және солтүстік-шығыс желінің екпіні секундына 15–20 метрге жетеді. Өңірде 35–36 градусқа дейін аптап ыстық күтіледі. Облыстың батысында, солтүстік-шығысында, шығысында және оңтүстігінде төтенше өрт қаупі сақталады.

Павлодар облысының солтүстігінде төтенше өрт қаупі күтіледі, ал шығысында ол сақталады.

Түркістан облысының батысында, солтүстігінде, оңтүстігінде, сондай-ақ таулы және тау бөктеріндегі аудандарында өткінші жаңбыр жауып, найзағай ойнайды. Желдің екпіні секундына 15–20 метрге дейін жетеді. Облыс бойынша төтенше өрт қаупі сақталады.

Ақмола облысының солтүстігінде, шығысында және орталығында түнде жаңбыр жауып, найзағай күтіледі. Күндіз жаңбыр, найзағай, сондай-ақ облыстың солтүстігінде, шығысында және орталығында қатты жаңбыр мен бұршақ болуы мүмкін. Түнде және таңертең батысы мен солтүстігінде тұман түседі. Солтүстік-шығыс және шығыс желінің екпіні секундына 15–20 метрге жетеді. Ауа температурасы 35 градусқа дейін көтеріледі. Облыстың орталығында жоғары, ал шығысында төтенше өрт қаупі сақталады.

Жамбыл облысының батысында, солтүстігінде, оңтүстігінде және таулы аудандарында өткінші жаңбыр жауып, найзағай ойнайды. Кей жерлерде желдің жылдамдығы секундына 15–20 метрге дейін күшейеді. Облыс бойынша жоғары өрт қаупі сақталады, ал батысы мен оңтүстігінде төтенше өрт қаупі бар.