Қазақстанда ескі үлгідегі 2000 теңгелік банкноттар айналымнан шығатын болды

Қазақстанда 25 маусымнан бастап «Қазақ Елі» монументі бейнеленген ескі үлгідегі 2000 теңгелік банкноттар айналымнан шықты, деп хабарлайды Azattyq Rýhy.

Бұл купюралар айналымға 2012 жылы шыққан болатын. Оның бетінде Астанадағы «Қазақ Елі» монументі, Қазақстанның мемлекеттік рәміздері, киік және ұшып бара жатқан көгершіндер бейнеленген. Сырт жағында Ертіс өзенімен бірге ел картасы, стильдендірілген киіз үй және мемлекеттік тудың фрагменті орналасқан.

Бұл ретте, ескі банкноттарды алдағы үш жылда – 2029 жылғы 25 маусымға дейін екінші деңгейлі банктер және «Қазпошта» бөлімшелері арқылы айырбастауға болады. Ұлттық банктің филиалдарында ескі купюралар мерзімсіз қабылдана береді.