Арқалықта су айдынынан жас қыздың денесі табылды

Арқалық қаласындағы су айдындарының бірінен жас қыздың мәйіті табылды. Полиция мәліметінше, марқұмның денесінде зорлық-зомбылық белгілері анықталмаған, деп хабарлайды Azattyq Rýhy.

Қазір құқық қорғау органдары оқиғаның барлық мән-жайын анықтап жатыр.

Сондай-ақ облыстық полиция департаменті тұрғындарды қауесет таратпауға және тек ресми ақпаратқа сенуге шақырды.

Ал жергілікті пабликтерде оқиғаның түрлі нұсқалары талқыланып жатыр. Әлеуметтік желі қолданушылары қыз өліміне қатысты зорлық-зомбылық болуы мүмкін деген және өзге де болжамдарын айтып жатыр.