Ыбықты сай шатқалында вандализм жасаған жас жігіт жазаланды

Маңғыстау облысының полицейлері Ыбықты сай шатқалындағы табиғи нысанға есімін жазып қалдырған бұзақыны анықтады, деп хабарлайды Azattyq Rýhy.

Табиғатқа зақым келтірген 2005 жылы туған жас жігіт болып шықты. Ол тасқа өз есімі мен көлігінің нөмірін жазып қалдырған. Полиция оған қатысты «Ұсақ бұзақылық» бабы бойынша хаттама толтырды. Полиция департаменті құқық бұзушының тек айыппұлмен құтылмайтынын хабарлады.

«Тәртіп бұзушы тасқа салған жазуларын өшіріп, табиғи нысанды қалпына келтірді», — деп хабарлады полиция өкілдері.