Тоқаев Трампты «Артемида-2» миссиясының табысты орындалуымен құттықтады

Мемлекет басшысы АҚШ президентіне құттықтау хат жолдады

Фото: Ақорда

Қасым-Жомарт Тоқаев Дональд Трампты «Артемида-2» миссиясының табысты орындалуымен құттықтады, деп хабарлайды Azattyq Rýhy.

Мемлекет басшысы «Артемида-2» миссиясының сәтті аяқталуына орай АҚШ Президентіне құттықтау хатын жолдап, адамзаттың кейінгі жарты ғасырдағы Айға жасаған алғашқы сапары ғарышты игеруде тарихи кезеңге айналғанын атап өтті.

Президент АҚШ-тың озық ғылыми жетістіктеріне жоғары баға берді. Бұл дүние жүзіндегі ғалымдардың, инженерлер мен зерттеушілердің жаңа буынын жігерлендіріп, білім көкжиегін кеңейтетінін айтты.

Қасым-Жомарт Тоқаев Дональд Трампқа «Артемида» бағдарламасын және ғарыш саласындағы басқа да бастамаларды іске асыруда табыс тіледі.

Мақалада

#Қасым-Жомарт Тоқаев #Дональд Трамп #NASA #құттықтау

Алдыңғы жаңалық

Тұман, жел, найзағай: 11 сәуірге арналған ауа райы болжамы