Қазақстандық палуандар грек-рим күресінен Азия чемпионатының жартылай финалына шықты

Қазақстандық грек-рим күресінің шеберлері – Ербол Қамалиев, Алматбек Аманбек, Ислам Евлоев Қырғызстанның Бішкек қаласында өтіп жатқан Азия чемпионатының жартылай финалына шықты, деп хабарлайды Azattyq Rýhy.

Ербол Қамалиев 60 келіге дейінгі салмақтың ширек финалында Тайпей өкілі Су Юнсянмен белдесіп, 8:0 есебімен жеңіске жетті.

Алматбек Аманбек 72 келіге дейінгі салмақта қытайлық Ли Дуньюймен күресіп, 3-1 есебімен басым түсті.

Ислам Евлоев 97 келіге дейінгі салмақта жартылай финалға шығу үшін өткен белдесуде отандасымыз Жапония өкілі Юри Наказатомен күш сынасты. Белдесу мерзімінен бұрын аяқталды. Евлоев кездесудің алғашқы сәттерінде-ақ сегіз ұпай жинап, айқын басымдықпен жеңіске жетті.