Тұман, найзағай, бұршақ: 6 сәуірде барлық өңірде дауылды ескерту жарияланды

6 сәуірге синоптиктер Астана, Алматы, Шымкент және Қазақстанның барлық өңіріне дауылды ескерту жариялады. Республика бойынша жаңбыр, найзағай, кей жерлерде бұршақ, тұман және желдің күшеюі күтіледі, деп хабарлайды Azattyq Rýhy «Қазгидрометке» сілтеме жасап.

Астанада түнде тұман түседі. Ақмола облысының батысында, солтүстігінде және оңтүстігінде тұман күтіледі. Көкшетауда түнде және таңертең тұман болады.

Солтүстік Қазақстан облысының солтүстігінде, оңтүстігінде және батысында тұман сақталады. Петропавлда түнде және таңғы уақытта тұман түседі.

Қостанай облысында күндіз батыс пен солтүстікте жаңбыр жауып, найзағай ойнайды. Батысында, шығысында және оңтүстігінде тұман болады. Оңтүстік-шығыстан соққан жел күндіз батыста секундына 15–20 метрге дейін күшейеді. Қостанайда түнде және таңертең тұман.

Павлодар облысында түнде солтүстік пен шығыста тұман күтіледі.

Қарағанды облысының батысында, солтүстігінде және шығысында тұман болады. Оңтүстікте жоғары өрт қаупі сақталады. Қарағандыда түнде және таңертең тұман түседі.

Ұлытау облысында түнде және таңертең шығысында тұман.

Шығыс Қазақстан облысының солтүстігінде, оңтүстігінде және шығысында жаңбыр жауып, найзағай болады. Түнде және таңертең солтүстік пен шығыста тұман күтіледі. Оңтүстік-шығыстан соққан жел шығыс пен оңтүстікте солтүстік-батысқа ауысып, екпіні 15–20 м/с-қа жетеді.

Абай облысының солтүстігінде, оңтүстігінде және орталығында жаңбыр, найзағай күтіледі. Түнде және таңертең солтүстігінде тұман болады. Жел шығыс пен орталықта бағытын өзгертіп, екпіні 15–20 м/с-қа дейін күшейеді. Оңтүстікте жоғары өрт қаупі сақталады.

Алматы облысының солтүстігі мен оңтүстігінде, күндіз таулы аудандарда найзағай күтіледі. Жел оңтүстік-батыстан соғып, оңтүстікте, шығыста және таулы аудандарда солтүстік-батысқа ауысып, екпіні 15–20 м/с болады.

Алматыда күндіз найзағай болады. Жел оңтүстік-батыстан солтүстік-батысқа ауысып, күндіз екпіні 15 м/с-қа жетеді. Қонаевта түнде найзағай күтіледі. Таулы аудандарда да найзағай болады. Желдің екпіні кей уақытта 15–20 м/с-қа дейін күшейеді.

Жетісу облысының шығысында, орталығында және таулы аудандарында найзағай күтіледі. Шығыста және тауда солтүстік-шығыстан соққан желдің екпіні 15–20 м/с болады. Солтүстікте, оңтүстікте және орталықта жоғары өрт қаупі сақталады. Талдықорғанда түнде найзағай, жоғары өрт қаупі сақталады.

Жамбыл облысында түнде шығыста және таулы аудандарда, күндіз тауда жаңбыр мен найзағай күтіледі. Оңтүстікте және таулы аудандарда тұман. Солтүстік-шығыстан соққан жел таңертең және күндіз 15–20 м/с-қа дейін күшейеді. Орталықта, солтүстік-батыста және шығыста жоғары өрт қаупі сақталады. Таразда түнде және таңертең тұман.

Түркістан облысының батысында, оңтүстігінде және таулы аудандарында найзағай, бұршақ, дауыл болады. Тау бөктерінде тұман түседі. Жел бағытын өзгертіп, екпіні 15–20 м/с-қа жетеді. Батыста, солтүстікте, орталықта және тау бөктерінде жоғары өрт қаупі сақталады.

Шымкентте күндіз найзағай мен дауыл күтіледі. Желдің екпіні 15–20 м/с. Жоғары өрт қаупі сақталады. Түркістанда да найзағай, дауыл және желдің күшеюі болжанған.

Қызылорда облысында түнде оңтүстікте, күндіз бірқатар аумақта найзағай мен дауыл болады. Жел екпіні 15–20 м/с-қа жетеді. Шығыста жоғары өрт қаупі сақталады. Қызылордада күндіз найзағай, дауыл.

Ақтөбе облысында күндіз батыста, солтүстікте және орталықта найзағай күтіледі. Жел бағытын өзгертіп, екпіні 15–20 м/с болады. Ақтөбеде күндіз найзағай, желдің екпіні 15–18 м/с.

Атырау облысында күндіз солтүстік пен шығыста жаңбыр, найзағай. Батыста, оңтүстікте және шығыста шаңды дауыл көтеріледі. Солтүстік-батыстан соққан желдің екпіні 15–20 м/с. Атырауда күндіз шаңды дауыл күтіледі.

Батыс Қазақстан облысында түнде батыс пен солтүстікте қатты жаңбыр, найзағай болады. Күндіз солтүстік, шығыс және орталықта найзағай, бұршақ, дауыл күтіледі. Түнде және таңертең бірқатар аумақта тұман түседі. Оралда найзағай, түнде және таңертең тұман, жел екпіні 15–20 м/с.

Маңғыстау облысының батысында, оңтүстігінде және орталығында кей уақытта қатты жаңбыр, найзағай, бұршақ, дауыл болады. Солтүстігі мен оңтүстігінде тұман күтіледі. Солтүстік-батыстан соққан желдің екпіні 15–20 м/с-қа жетеді. Ақтауда да кей уақытта қатты жаңбыр, найзағай, бұршақ және дауыл болжанып отыр