Павлодар облысында 7 лауазымды қызметкердің заң бұзғаны анықталды
Прокуратура олардың жазалғанын хабарлады
Мемлекеттік сатып алу заңында көрсетілген 30 күндік талап ескерілмеген жағдайда, лауазымды тұлғалар әкімшілік жауапқа тартылуы мүмкін. Павлодар облысының прокуратурасы осындай бұзушылықтарды анықтап, 7 лауазымды тұлғаны жазалады, деп хабарлайды Azattyq Rýhy.
«Мемлекеттік сатып алу туралы» заңның 8-бабында мемлекеттік сатып алуға жосықсыз қатысушы деп тану туралы талап қоюмен сотқа жүгіну үшін 30 күндік мерзім көзделген.
Алайда тапсырыс берушілер – мемлекеттік мекемелер (кәсіпорындар) бұл талаптарды жүйелі түрде бұзады.
Лауазымды адамдардың әрекетсіздігі орындалмаған міндеттеме кезінде жеткізушіге жауаптылықтан бас тартуға мүмкіндік беріледі, бұл жол берілмейді.
Бұл ретте Әкімшілік құқық бұзушылық туралы кодекстің 207-бабының 10-бөлігінде көрсетілген бұзушылықтар үшін лауазымды адамдардың жауаптылығы көзделген.
Мысалы, мамандандырылған ауданаралық экономикалық соттың 2025 жылғы 27 қарашадағы шешімімен «Екібастұз қаласы Шідерті кенті әкімінің аппараты» ММ-нің «Әмір» ЖК-не мемлекеттік сатып алуға жосықсыз қатысушы деп тану туралы талап қоюды қанағаттандырудан бас тартылды.
«Іс материалдарына сәйкес өнім берушінің шарттық міндеттемелері шартта көзделген мерзімдерді бұза отырып, тиісінше орындалмаған, шарттық міндеттемелердің орындалуын бұзу фактісі туралы талапкерге 2025 жылғы 15 қыркүйекте белгілі болған. Алайда, талап қою 2025 жылдың 29 қазанында ғана сотқа берілді.
Аталған нормалардың сақталуын талдау нәтижелері бойынша облыс прокуратурасы Ішкі мемлекеттік аудит департаментіне қадағалау актісін енгізді.
Уәкілетті орган 7 лауазымды адамды әкімшілік жауаптылыққа тартты, айыппұл бюджетке түсті», – делінген прокуратура хабарламасында.
Көп оқылған
