Ұлттық валюта нығайып келеді: доллардың құны 472 теңгеге түсті

Қазақстан қор биржасындағы (KASE) күндізгі сауда қорытындысы бойынша доллардың орташа өлшенген бағамы 472,31 теңгені құрап, 2,76 теңгеге арзандады, деп хабарлайды Azattyq Rýhy.

Ұлттық банктің 2 сәуірге белгілеген ресми доллар бағамы – 475,09 теңге.

Kurs.kz сайтының мәліметінше, қазіргі уақытта Алматыдағы айырбастау пунктерінде доллардың орташа сатып алу бағамы – 470,03 теңге, сату бағамы – 472,3 теңге.

Астанада доллар орта есеппен 468,04 теңгеден сатып алынып, 475,04 теңгеден сатылып жатыр.

Шымкентте доллардың сатып алу бағамы орташа есеппен 471,48 теңге болса, сату бағамы 473,53 теңгені құрайды.