Үржар тұрғыны 600 мың теңгеге диплом сатып аламын дымсыз қалды

Абай облысында Үржар ауылының 24 жастағы тұрғыны интернет-алаяқтардың құрбаны болып, полицияға жүгінді, деп хабарлайды Azattyq Rýhy өңірлік полиция департаментінің баспасөз қызметіне сілтеме жасап.

Оқиға 2025 жылдың ақпан айында болған. Тергеу мәліметінше, 44 жастағы әйел медицина саласында диплом рәсімдеп беремін деген желеумен жәбірленушінің ақшасын алған. Диплом алуды көздеген азамат күдіктіге 600 000 теңге берген, алайда уәде етілген қызмет көрсетілмеген.

Жедел іс-шаралар барысында күдікті полиция бөліміне жеткізілді.

Алаяқтық фактісі бойынша сотқа дейінгі тергеу басталды. Әйелге қатысты процессуалдық мәжбүрлеу шарасы ретінде келу міндеттемесі қолданылды.