Президент Қасым-Жомарт Тоқаев АҚШ-та Бейбітшілік кеңесінің отырысына қатысуда

Мемлекет басшысы Қасым-Жомарт Тоқаев Вашингтонда өтіп жатқан Бейбітшілік кеңесінің алғашқы отырысына қатысуда, деп хабарлайды Azattyq Rýhy.

Ақорда мәліметінше, жиын АҚШ астанасындағы Дональд Трамп атындағы бейбітшілік институтында ұйымдастырылды.

Бұған дейін Президент Америка Құрама Штаттарында тұратын және білім алып жүрген Қазақстан азаматтарымен жүздескен еді. Әңгімелесу барысында Қасым-Жомарт Тоқаев өскелең ұрпаққа үлкен үміт артатынын айтты. Сондай-ақ мемлекет жастарға ұдайы қолдау көрсетіп, олардың жан-жақты дамуына және қабілет-қарымын ұштауға қолайлы жағдай жасайтынын жеткізді.