Қазақстанда доллар құны 495 теңгеге дейін құлдырады

Қазақстан қор биржасында (KASE) күндізгі сауда қорытындысы бойынша доллардың орташа өлшенген бағамы 495,1 теңгені құрап, 3,36 теңгеге төмендеді, деп хабарлайды Azattyq Rýhy.

Қазақстан Республикасы Ұлттық банкінің 5 ақпанға белгілеген ресми доллар бағамы – 498,65 теңге.

Kurs.kz сайтының дерегіне сәйкес, қазіргі уақытта Алматы қаласындағы айырбастау пунктерінде долларды сатып алудың орташа бағамы 494,53 теңге, сату бағамы – 497,38 теңге. Астанада доллар орта есеппен 493 теңгеден сатып алынып, 500 теңгеден сатылып жатыр. Ал Шымкент қаласында долларды орташа есеппен 494,95 теңгеден сатып алып, 497,3 теңгеден сатуда.