БҚО тұрғындарының жартысынан көбі қалаларда тұрады – статистика

Батыс Қазақстан облысының халқы 2025 жылғы 1 желтоқсандағы мәлімет бойынша 695,6 мың адамды құрады, деп хабарлады Ұлттық статистика бюросы. Оның ішінде қала тұрғындары – 401,3 мың адам (57,7%), ауылдық жерде – 294,3 мың адам (42,3%) тұрады. Бұл туралы Azattyq Rýhy агенттігі «Мой город» басылымына сілтеме жасап хабарлайды.

2025 жылдың қаңтар-қараша айларында халықтың табиғи өсімі 4228 адам болды. Салыстыру үшін: 2024 жылдың осы кезеңінде бұл көрсеткіш 5135 адамды құраған.

2025 жылдың қаңтар-қараша айларында:

• 9144 адам дүниеге келген (2024 жылмен салыстырғанда 10,9%-ға аз);
• 4916 адам қайтыс болған (2024 жылмен салыстырғанда 4,1%-ға аз).

Көші-қон сальдосы теріс болып қалуда. Халықтың жалпы кетуі 4654 адамды құрады (2024 жылы – 2673 адам).

Оның ішінде:

• сыртқы көші-қон – минус 39 адам (2024 жылы +370 адам өсім болған);
• ішкі көші-қон – минус 4615 адам (2024 жылы – минус 3043 адам).