Тоқаев Пәкістан еліне мемлекеттік сапармен барды

Пәкістан премьер-министрінің резиденциясында ресми қарсы алу рәсімі өтті

Фото: Ақорда

Президент Қасым-Жомарт Тоқаев Пәкістан Ислам Республикасына мемлекеттік сапармен барды, деп хабарлайды Azattyq Rýhy.

Пәкістан премьер-министрінің резиденциясында президент Қасым-Жомарт Тоқаевты ресми қарсы алу рәсімі өтті.

Мемлекет басшысын Пәкістан премьер-министрі Шахбаз Шариф күтіп алды.

Қазақстан Президенті мен Пәкістан премьер-министрі суретке түскен соң екі елдің мемлекеттік әнұрандары орындалды. Содан кейін Құрмет қарауылының бастығы рапорт берді.

Қасым-Жомарт Тоқаев пен Шахбаз Шариф бір-біріне ресми делегация мүшелерін таныстырды.

Қарсы алу рәсімінен кейін Қазақстан Президенті Пәкістан Премьер-министрінің резиденциясы аумағында ағаш отырғызды.

Мақалада

#Қасым-Жомарт Тоқаев #ақорда #Пәкістан

Алдыңғы жаңалық

Алматы мен Астана тұрғындары бір айда 38,5 мың рет инватакси қызметін қолданды