Қазақстанның 8 облысында тасжолды қалың қар басып қалуы мүмкін

Республикалық автожолдардағы жағдай белгілі болды

Фото: ЖИ арқылы жасалды/ChatGPT

Қазақстанның 8 облысындағы тасжолда қарлы ауа райы болуы мүмкін, деп хабарлайды Azattyq Rýhy.

«ҚазАвтоЖол» мәліметінше, 2 ақпан күні Абай, Ақмола, Батыс Қазақстан, Павлодар, Қарағанды, Қостанай, Шығыс Қазақстан мен Ұлытау облыстарының кей жерлерінде қар жауады деп болжанып отыр.

Осыған байланысты жүргізушілер жолға шығар алды сапарын алдын ала жоспарлап, сақтықты күшейтуі қажет:

көріну қашықтығы мен жол жамылғысының жағдайына сай қауіпсіз жылдамдықты таңдаңыз;
арақашықтықты сақтап, күрт маневр жасаудан аулақ болыңыз;
Жол қозғалысы ережелерін қатаң ұстанып, өзіңіздің және өзгелердің қауіпсіздігін бірінші орынға қойыңыз.

«Жолдағы ахуал және мүмкін болатын шектеулер туралы нақты ақпаратты тәулік бойы 1403 байланыс орталығына хабарласып біле аласыз», – делінген хабарламада.