Шектеу шаралары қаланың барлық білім ордаларына қатысты
Өскемен қаласында ауаның ластану деңгейінің жоғарылауына байланысты оқушылар қашықтан оқыту форматына ауыстырылды. Қолайсыз метеорологиялық жағдай мектеп балаларының үйден оқуына себеп болып отыр, деп хабарлайды Azattyq Rýhy YK-news.kz порталына сілтеме жасап.
2026 жылғы 2 ақпанда Өскемен мектептерінде сабақ дәстүрлі форматта өтпейді. Шектеу шаралары қаланың барлық білім ордаларына қатысты:
Сыныптар: 0-ден 11-сыныпқа дейінгі барлық оқушылар;
Ауысым: Бірінші және екінші ауысым толықтай онлайн форматқа көшірілді;
Айта кетерлігі, Шығыс Қазақстан облыстық Білім басқармасының ресми сайтында қашықтан оқыту туралы соңғы деректер 30 қаңтарда жарияланған болатын, алайда жағдайдың жақсармауына байланысты бұл шешім 2 ақпанға да ұзартылды.
Өскемендегі бұл жағдай еліміздегі жалпы экологиялық ахуалдың бір бөлшегі ғана. 1 ақпан күні синоптиктер Қазақстанның бірден 12 қаласында ауаның ластануы шекті деңгейден асатынын ескерткен болатын.
Қолайсыз метеорологиялық жағдайлар кезінде зиянды қалдықтар атмосфераның төменгі қабатында жиналып, адам денсаулығына, әсіресе балалар мен қарттарға кері әсерін тигізеді.
Дәрігерлер мен экологтар мұндай күндері далада ұзақ жүрмеуді және терезелерді ашпауды ұсынады.