Екі бала қоршаудан әрі ұшып кеткен: Талдықорғанда жантүршігерлік жол апаты болды (ВИДЕО)
Олар жансақтау бөлімінде жатыр
Талдықорғанда жүргізуші бағдаршамның қызыл түсін елемей, қатты жылдамдықпен мопед мінген екі жасөспірімді қағып кеткен, деп хабарлайды Azattyq Rýhy.
Олар қатты соқының әсерінен жолдың жанындағы қоршаудан асып құлаған. Қазір екеуі де жансақтау бөлімінде жатыр, жағдайлары ауыр. Полиция қылмыстық іс қозғаған.
«Полиция 2026 жылғы 2 сәуірде сағат 00:10-да Талдықорған қаласындағы Жансүгіров және Балпық би көшелерінің қиылысында болған жол-көлік оқиғасы бойынша қылмыстық іс қозғады. Алғашқы мәліметтер бойынша, Toyota Camry маркалы автокөліктің жүргізушісі рұқсат етілмеген сигналда өтуге әрекет жасап, мопедпен соқтығысқан. Оқиға салдарынан мопедте болған екі адам – жүргізуші мен жолаушы ауруханаға жеткізілді», – деп хабарлады Жетісу облыстық полициясы.
Қазіргі уақытта оқиғаның барлық мән-жайы анықталып жатыр.
Көп оқылған
