Қазақстанның бірнеше өңірінде ауа райына байланысты тасжол жабылды

Ауа райының қолайсыздығына байланысты Қазақстанның үш облысында автожолдардағы қозғалыс уақытша шектелді. Бұл туралы Azattyq Rýhy ҚР Төтенше жағдайлар министрлігінің баспасөз қызметіне сілтеме жасап хабарлады.

«ҚазАвтоЖол» ҰК» АҚ мәліметінше, боран, көрінудің нөлге дейін төмендеуі және қар аралас жаңбыр түріндегі жауын-шашын салдарынан енгізілген.

Республикалық маңызы бар автожолдардың үш учаскесінде қозғалыс тоқтатылды:

Абай облысында:

• Алматы – Талдықорған – Өскемен – Шемонаиха – Ресей Федерациясының шекарасы автожолының Қалбатау ауылы тұсынан Шығыс Қазақстан облысының шекарасына дейінгі бөлігі.

Шығыс Қазақстан облысында:

• Алматы – Талдықорған – Өскемен – Шемонаиха – Ресей Федерациясының шекарасы автожолының Абай облысының шекарасынан «Рубеж» бекетіне дейінгі учаскесі.

Жетісу облысында:

• Үшарал – Достық автожолының Көктума кентінен Достық станциясына дейінгі аралығы.