Атырауда Шекара қызметіне қосылған жастар Ант қабылдады

Атырау облысында 15 жас сарбаз Ұлттық қауіпсіздік комитеті Шекара қызметінің қатарына қосылып, салтанатты түрде Ант қабылдады, деп хабарлайды Azattyq Rýhy.

Жергілікті басылымдардың мәліметіне сүйенсек, Ант қабылдау рәсіміне сарбаздардың ата-аналары мен жақындары қатысқан.

«Үлкен ағалары да әскерге барған.  Ұлым оларға қарап ер жетіп, шешім қабылдады. Нағыз азамат болып, Отанға қызмет етсін», - дейді сарбаздың әкесі Базарбай Мұқашев.

Айта кетейік, қазір облыста шамамен 100 сарбаз шекарада қызмет атқарып жүр. Көбі Құрманғазы, Исатай аудандары мен Аққыстауға бөлінген.