Атырау мұнай өңдеу зауытының экс-басшысы қонақ үйде жан тапсырды

Марқұм бүгін, 29 қыркүйек күні таңғы сағат 10:00-де көз жұмған көрінеді

Фото: ҚМГ

Бүгін Атыраудағы Somerset қонақ үйіндегі Атырау мұнай өңдеу зауытының бұрынғы директоры Мұрат Досмұратов жан тапсырды, деп хабарлайды Azattyq Rýhy.

«Ақжайықтың» мәліметіне сүйенсек, қазір ол «КМГ Инжиниринг» компаниясының мұнай өңдеу және мұнай-химия жөніндегі директоры лауазымын атқарған.

Алдын ала мәлімет бойынша, марқұм жүрек талмасынан көз жұмған. Дәрігерлер клиникалық өлімнен кейін оған реанимация жасағанымен, адамды құтқару мүмкін болмаған.

Естеріңізге сала кетейік, Мұрат Досмұратов Қазақстанның мұнай саласында біраз лауазымды қызметтер атқарған. 2024 жылы оған қарсы қылмыстық іс ашылғанымен, 2025 жылдың тамызында ол ақталып шыққан еді.

Мақалада

#Атырау #өлім #өлім-жітім #Атырау МӨЗ

Алдыңғы жаңалық

Алматыда ІІМ академиясының 300 курсанты Ант қабылдады